#二寶生日快樂 #512bb生日快樂 🎂
時間過得真係快！特別有二寶嘅日子仲更加快！
今日弟弟豬一歲生日啦🎂！
好感恩，屋企多咗呢個人仔，令成個家又熱鬧起嚟！
我直頭覺得弟弟係我嘅天使😬，因為佢真係算好湊...
由兩個零月人仔已戒夜奶... 到而家正式加到三固，每個過程暫時都好順利，而且佢仲食得、瞓得同痾得，所以令我好放心！
亦因為佢算乖，我有時都無咩時間點理佢，感覺上，好似對二寶唔係太公平咁... 不過媽咪好想比您知道，我兩個都愛兩個都錫😘！
弟弟生日如常留喺屋企慶祝，佈置一下（哥哥有弟弟都要有），再親手整個《無糖無奶椰香紫薯蛋糕》比佢！祝佢一歲生日快樂！
感恩您出現，您嘅來臨，令這個家更完滿！🥰🥰
#弟弟嘅食瞓痾係乖嘅
#但比哥哥更古靈精怪
#有辣有唔辣任君選擇🤡
Search